Liga President kag Ex-officio Councilor Reyland Hervias, indi pabor nga ipaguwa ang pangalan sang mga barangay kapitan nga ginpahayag involved sa illegal drugs

Iloilo City–Ginpamatukan ni Liga ng mga Barangay President kag ex-officio City Councilor Reyland Hervias ang plano sang Philippine Drug Enforcement Agency nga ipaguwa ang pangalan sang mga barangay kapitan nga yara sa narco-list base sa mandu ni Presidente Rodrigo Duterte.

Suno kay Hervias, indi pruweba ang listahan agud mahambal nga involved sa illegal drug trade ang isa ka barangay kapitan.

Para kay Hervias, mas maayo nga pasakaan sang kaso ang kapitan kon may ebidensya nga may kahilabtanan siya sa illegal drugs.

Plano ni Hervias nga magpamangkot sa PDEA 6 kon anu ang mangin sistema sa pag-release sang listahan. (AGB)