January 27, 2022

DPWH, ginatutukan ang paghawan sa main highway sang Boracay sa pagsugod sang rehabilitasyon sang Abril 26

Read Time:1 Minute, 9 Second

Boracay Island — Ginatutukan sang Department of Public Works and Highways ang paghawan sang main highway sa Boracay sa pagsugod sang rehabilitasyon sang Abril 26.

Suno kay DPWH 6 assistant director Engr. Al Fruto, 61 ka istruktura na nga nakasulod sa 12 ka metro nga road right of way ang ila naguba. May mga tag-iya nga nagmato-mato guba sang ila istruktura nga nagalaksam sa alagyan suno kay Fruto kag ginapasalamatan niya ang pagkooperar sang mga ini.

Una na nga ginpahayag ni Fruto nga tutukan nila ang una nga lima ka kilometro sang karsada halin sa Cagban Port agud nga masuguran man ang road widening project.  Magluwas sa paghawan sang dalanon, nagabulig man ang DPWH sa paghawan sang higad sang baybay agud mapatuman ang 25+5 easement.

Nagapasalamat ang DPWH sa kooperasyon sang mga tag-iya sang istruktura kag establisemento nga nakasulod sa 12 ka metro nag road right of way nga ila ginahawanan.

Wala sang nabatian nga reklamo si Engr. Fruto kag posible suno sa iya nga nahangpan sang mga taga-Boracay ang kakinahanglan nga palaparon ang karsada. Suno kay Fruto, may mga tag-iya nga nagaguba sang ila istruktura nga nakasulod sa road right of way gani mas madasig ang pag-obra sang mga tinawo sang DPWH.

Kon madayon ang momentum, nagapati si Fruto nga matapos sang mas temprano ang clearing operation kag masuguran gilayon ang road widening project.   (JoMaque)  

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga indi residente sang Boracay, pwede pa makasulod sa isla kon may ipakita nga certification sa ila transaksyon
Next post Cash reward sang mga atleta sang Iloilo nga nakakuha sang medalya sa Palaro 2018, ipanghatag sang Iloilo Provincial Government sa masunod nga semana