Mga indi residente sang Boracay, pwede pa makasulod sa isla kon may ipakita nga certification sa ila transaksyon
Boracay Island — Pwede gihapon makasulod sa Boracay ang mga indi residente sang isla bisan pa nga ginsiraduhan ini sa mga turista para sa rehabilitasyon.
Suno kay Caticlan Jetty Port Administrator Nieven Maquirang, kinahanglan lang nga may mapakita nga certification ang luyag nga makatabok sa isla, sin-o ang iya kadtuan kag kon ano ang rason sang iya pagbisita sa Boracay. Ginrequire lang nga magbilin ang mga ini sang ID kag magsulat sang pangalan sa logbook.
Iga-subject sa checking sang personnel sang DILG kag mga pulis ang ID agud masiguro nga valid antes isyuhan sang termporary pass patabok sa isla.
Sa mga abogado naman, ginpanugyan ni Maquirang nga hingyuon na lang ang kliyente nga taga-Boracay nga sa Caticlan sila ma-istoryahanay agud makalikaw sa huol. (JoMaque)