Acting punong barangay kag barangay kagawad sang San Pedro, Jaro, nagbaisay bangud sang mga baligyaan sa sulod sang basketball court
Jaro, Iloilo City — Nagbaisay ang punong barangay kag barangay kagawad sang San Pedro, Jaro kaina sang aga bangud sang mga baligyaan sa sulod sang basketball court.
Suno kay barangay kagawad Lita Jover, 64-anyos, ginkwestyon niya ang mga tag-iya sang baligya-an nga nagplastar sa sulod sang basketball court bangud wala pa sang resolution ang brgy. council natuhoy sa ila lihok.
Gin-ako naman ni acting punong barangay Levy Zamora nga ginpahanugutan niya nga magplastar sa basketball court ang mga manugbaligya.
Delikado ang pagbaligya sa higad sang karsada suno kay Zamora rason ginduso kag ginpahanugutan niya ang pagbaligya sa sulod sang basketball court.
Ginrefer sa brgy. council ang reklamo. (JoMaque)