January 25, 2022

Choreographer sang Kasadyahan kag Dinagyang Festivals sa Aliwan Fiesta, mixed emotion sa resulta sang kompetisyon

Read Time:1 Minute, 1 Second

Manila — Ini ang reaksyon ni Mr. Romel Flogen, choreographer sang Hubon Mangunguma sang Manggahan Festival kag Tribu Panayanon sang Dinagyang Festival matapos nakuha sang duha ka delegasyon ang ikaduha kag ikatatlo nga pweso sa bag-o lang natapos nga Aliwan Fiesta sang Manila Broadcasting Company.

Suno kay Flogen, nasadyahan siya sa resulta sang kompetisyon apang nalugaw-an sang dyutay bangud ginpa-abot nga mangin kampeon ang Hubon Mangunguma kag 1st runner up naman ang Tribu Panayanon.

Standing ovation ang audience sa Quirino Grandstand suno sa choreographer pagkatapos sang performance sang Hubon Mangunguma.

Daku ang tsansa sang Hubon Mangunguma nga mangin kampeon suno kay Flogen bangud sang ila orihinal nga concept, thematic choreography kag music apang napaslawan.

Gin-ako naman ni Flogen nga kulang ang preparasyon sang Tribu Panayanon.

Nagsugod na Practice ang Tribu Panayanon suno kay Flogen pagkatapos sang Dinagyang Festival apang nag-untat matapos nagpangduha-duha ang Dinagyang Foundation Inc. nga magpasakop sa kompetisyon bangud sa isyu sa budget.

10 ka adlaw antes ang Aliwan Fiesta suno kay Flogen sang nadesisyunan nga mapasakop ang Dinagyang Festival sa Aliwan Fiesta.

Wala nadepensahan sang Dinagyang Festival ang korona subong nga tuig nga na-agaw sang Kasadyahan Festival sang Leyte nga ginrepresentar sang Tribu Buraburon. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 8-anyos nga bata, nalumos sa pool patay
Next post Cruise Tourism, igalunsar sang DOT 6 kasunod sang pagsirado sang Boracay