Performance sang Tribu Panayanon sa Aliwan Fiesta 2018, kulang sa impact suno sa City Tourism Officer
Iloilo City — Kulang sa impact ang performance sang Tribu Panayanon sang Dinagyang Festival sa Aliwan Fiesta 2018.
Suno kay City Tourism Officer Junel Ann Divinagracia, mataas ang expectation sang mga tumalan-aw sa Dinagyang Festival kag para sa iya, nabitin siya sa finale sang performance.
Pila sa mga posible rason kon ngaa wala nakuha sang Panayanon ang kampeonato amu ang pagtudlo sang choreographer nga si Romel Flogen sa Hubon Mangunguma sang Manggahan Festival sang Guimaras kag ang pagka-competitive sang mga grupo sa Aliwan.
Ginpahayag ni Divinagracia nga importante ang focus kag preparasyon para sa performance. (JoMaque)