Tag-iya sang tubo nga nagapagguwa sang mahigku kag mabaho nga tubig sa baybayon sang Boracay, ginakilala na sang DENR
Boracay Island — Gina-verify na sang Department of Environment and Natural Resources kon sin-o ang nagapanag-iya sang tubo nga nagapaguwa sang mahigku kag mabahu nga tubig sa beach sa Station 2 sang Boracay.
Ginlubong ang tubo sa balas gani ulihi na nakita kag nakutkutan sang team halin sa DPWH nga nagabulig sa rehabilitasyon sa isla.
Positibo si DENR 6 Director Jim Sampulna nga ma-trace kag makilala nila kon sin-o ang nagbutang sang illegal nga tubo agud nga mapapanaugan sang sanctions bangud sa paglapas sa environmental laws.
Ginpahayag ni Atty. Richard Fabila, OIC sang local Community Environment and Natural Resources Office-Boracay, nga gina-imbestigaran nila upod sa Environmental Management Bureau kon sin-o ang nagapanag-iya sang tubo. (JoMaque)