Kaso Nga Rape Nga Narecord Sa Western Visayas Sang 2017 Maka-Alarma Suno Sa PRO VI

Western Visayas — Maka-alarma ang record sang kaso nga rape sa rehiyon bisan nagnubo sang nagligad nga tuig.

Ini bangud base sa Qualitative Data Analysis sang Police Regional Office VI halin Enero tubtob Disyembre, 2017, kalabanan sa mga rape cases sa rehiyon ang nagakatabu sa sulod sang balay.

Suno kay PRO VI spokesperson Supt. Joem Malong, naglab-ut sa 745 ang kaso sang rape sang nagligad nga tuig. Nakarecord sang pinakamadamo nga kaso ang Negros Occidental Police Provincial Office nga naglab-ut sa 231, ginsundan sang Iloilo Police Provincial Office nga may 194; Bacolod City Police Office-82; Capiz PPO-81; Aklan PPO-59; Antique PPO-40; Iloilo Police Provincial Office-36 kag Guimaras PPO-22.

Kalabanan sa mga biktima ang naga-edad 12 tubtob 17 anyos nga may 341, ginsundan sang sang nagaedad sang mas manubo sa 12 anyos nga naglab-ut sa 204; 18 tubtob 25 anyos-126; 26 tubtob 36 anyos-46 kag 36 anyos pasaka nga may 14.

Nagaguwa man sa record nga naga-edad 18 tubtob 35 anyos ang edad sang kalabanan sa mga suspects. Kalabanan naman sang rape case ang nagakatabu sa balay sang biktima kag balay sang suspek.

(ATT)