Balay sang pulis sa Lapaz, nasunog ; 4 ka bangkay, confirmado nga nakita sa sulod sang balay
Iloilo City — Apat ka bangkay ang nasapwan sa sulod sang balay nga nasunog sa Barangay San Isidro, Lapaz kaina sang kaagahon. Ginconfirmar ini ni Fire Chief Inspector Christopher Regencia, City Fire Marshal, matapos napalong ang kalayo.
Nakita suno sa iya sa tunga sang balay ang mga bangkay. Ginapanag-iyahan ni SPO2 Richard Gerafusco ang balay. Suno kay PO2 Ana Mae Calawigan, imbestigador sang Lapaz Police Station, batuk gid ang mga lawas gani indi nila ma-identify.
Base sa impormasyon, apat ang natrap sa balay sang nasunog ang balay. Ginreport nga wala nakaguwa ang asawa ni Gerafusco nga si Evangeline; iloy ni Evangeline nga si Elvira Avelino; bata ni Evangeline nga si Junjun Avelino Gerafusco kag si Ma. Christina Dollente.
Samtang nakaguwa ang utod ni Evangeline kag duha niya ka mga kabataan. Padayon nga gina-imbestigaran kon ano ang ginhalinan sang sunog. (JoMaque)