3 ka suldado nga napilasan matapos ginpalukpan sang IED sang ginapatihan NPA sa Calinog, estable na ang kondisyon sa ospital
Read Time:49 Second
Calinog, Iloilo — Estable na ang kondisyon sang tatlo ka miembro sang 61st Infantry Battalion sang Philippine Army kasunod sang paglupok sang improvised explosive device sa Brgy. Caratagan, Calinog pasado alas 7 Sabado sang aga
Suno kay Inspector Alexander Lauron, deputy chief of police sang Calinog Police Station, nagapabilin sa Calinog District Hospital sanday Sgt. Paolo Ogaro, 37 anyos sang Roxas City, Capiz kag team leader sang grupo; Private First Class John Anthony Barrientos, 25 anyos sang Calatrava, Negros Occidental kag PFC Hans Christian Dela Cruz sang Carles bangud sang ila mga pilas sa lawas.
Ginbakunahan sang anti-tetanus ang mga suldado bangud mga tuktokon nga kabilya suno kay Lauron ang gingamit sa IED.
Nakabaton sang impormasyon ang mga suldado nga may presensya sang ginapatihan miembro sang New People’s Army sa Brgy. Caratagan gani sang ginsulod nila ang lugar, naglupok ang gintanum nga IED. Ginsundan ini sang engkuwentro sa tunga sang mga suldado kag ginapatihan rebelde nga madasig man nagpalagyo kasunod sang insidente. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Patay nga lapsag, nasapwan sa kilid sang baybay sa Miagao
ILOILO -- Nasapwan sang mga pumuluyo ang patay nga lapsag nga lalaki sa kilid sang baybay sa Barangay Maringyan, Miagao,...
EXCLUSIVE | Alyas toto nga testigo sa Claire Diergos case, nagsaysay sang iya nakita sang Oktubre 25, 2021
ILOILO – Ginpanindugan ni alyas Toto, isa sa mga testigo sa Claire Diergos Case, ang kaundan sang iya judicial affidavit...
Opisina sang Comelec, naka-lockdown kasunod sang pagpositibo sa COVID-19 sang 9 ka personnel
ILOILO CITY – Ginpaidalom sa lockdown ang opisina sang Comelec- Iloilo City kasunod sang pagpositibo sa COVID-19 sang siyam nila...
NEWS UPDATE | Tul-an sang tawo nga nakutkutan sa Barotac Nuevo, nakilala na
ILOILO -- Nakilala na ang mga tul-an sang tawo nga nakutkutan sa Brgy Bungca, Barotac Nuevo sang Enero 14. Ginkilala...
‘No Booster, No Entry’, ginapatuman na sa Iloilo City Hall sugod subong nga adlaw, Enero 17
ILOILO CITY -- Ginapatuman na sa Iloilo City Hall sugod subong nga adlaw, Enero17, ang ‘No Booster, No Entry’. Suno...
24-anyos nga babaye nga nagtuyo magpauli sa Capiz sang nahibaluan nga nagpositibo siya sa COVID-19, nadakpan sang Iloilo City COVID Team
ILOILO CITY -- Napunggan sang City COVID Team ang 24-anyos nga babaye nga nagtuyo magpauli sa Roxas City, Capiz sang...
Average Rating