Most Wanted Person sa Tigbauan, nakapalagyo sang gintuyo serbihan sang warrant of arrest; granada, nakuha sa salakyan nga gin-abandonar sang subject
Arevalo, Iloilo — Nakapalagyo ang most wanted person sa Tigbauan nga ginserbihan sang warrant of arrest sa Arevalo kagab-i.
Subject sang operation sang Criminal Investigation and Detection Group (CIDG) kag Tigbauan police si Reagan Gepulango alyas Bebot nga may kaso nga murder kag frustrated murder sa Tigbauan.
Suno kay Police Chief Inspector Raul Bolido, chief sang CIDG province, namutikan ni Gepulango nga may pulis kabangdanan nagpalupok ini sang pusil kag nagpalagyo. Nakapalupok man ang mga pulis sa subject.
Ginbilin ni Gepulango ang salakyan sini nga Isuzu Mux sa Yulo Drive kag pag-abot sang mga pulis sa lugar, wala na ang subject. May nakit-an nga granada sa sulod sang salakyan kag nakuha na sang taga-Explosive and Ordnance Division sang Police Regional Office 6. (JoMaque)