Numero sang mga barangay sa probinsya nga ginrekomendar nga ipaidalum sa election watchlist areas, nagnubo
Sta, Barbara, Iloilo — Naglab-ot na lang sa 28 ka mga barangay sa probinsya ang ginrekomendar sang Iloilo Police Provincial Office nga ipaidalum sa election watchlist areas may kaangtanan sa Barangay kag Sangguniang Kabataan elections.
Nagnubo ang numero halin sa 88 ka barangay nga una ginrekomendar sang IPPO suno kay Director Marlon Tayaba.
Wala na ginlakip sa listahan suno sa iya ang mga barangay nga may pagpamahog sang rebelde nga grupo pareho sang New People’s Army.
Nahamtang ang 28 ka mga barangay sa 14 ka munisipalidad.
Ang Calinog kag Lambunao ang may pinakamadamo nga barangay nga ginrekomenda nga ipaidalum sa EWAs suno kay Tayaba.
Natalana i-release sang Commission on Elections, PNP kag Philippine Army ang pinal nga listahan sang EWAs. (JoMaque)