(UPDATE) Gepulango criminal group nga nakapalagyo sa operasyon sang CIDG, ginkontrata sang P200,000 agud patyon ang incumbent barangay captain sa Arevalo suno sa IPPO

IPPO Headquarters, Sta. Barbara, Iloilo–Ginkontrata sang 200 mil pesos ang Gepulango crime group agud patyon ang incumbent barangay captain sa Arevalo.

Ginbuyayagyag ni Iloilo Police Provincial Office Director Marlon Tayaba nga may partial payment nga nabaton ang grupo gani ginplano nila ang pagpatay sa amu nga kapitan. May person of interest na ang IPPO sa nag-hire sa grupo kag may ideya na sila kun sin-o ang mediator. Nagapadayon naman ang imbestigasyon sang IPPO sa target nga barangay captain.

Nagbalibad si Tayaba nga hingadlan ang barangay kapitan nga gina-target sang grupo bisan pa nagpablotter si Quezon, Arevalo Punong Barangay Visamin Cañal bangud nagaduda nga siya ang tuyo patyon sang grupo nga gin-operate sang CIDG personnel apang nakapalagyo.

Una na ginkumpirmar ni Tayaba nga madugay na nga ara sa listahan sang IPPO ang grupo nga ginapamunuan ni Reagan Gepulango kag subject sa ila monitoring. (AGB)