Ikaduha nga listahan sang mga ginpahayag narco politicians, indi na mahingagaw lawag sang PDEA antes ang eleksyon sa Lunes

Iloilo City–Indi na mahingagaw paguwa ang ikaduha nga listahan sang mga ginpahayag narco politician antes ang Mayo 14 nga Barangay kag Sanguniang Kabataan ukon SK elections.

Ini ang pagpabutyag ni Mr. David Garcia, public information officer sang PDEA 6 bangud gina-deliberate pa ang listahan sa ila central office

Suno kay Garcia, gusto lang ipasiguro sang ahensya nga ensakto ang ila record agud indi sila mahuy-an. Kasunod man ini sang reports nga may mga nalakip sa una nga listahan nga patay na ukon indi na makita nga barangay officials.

207 ka mga barangay officials ang nalakip sa una nga listahan nga ginpaguwa sang nagligad nga bulan kag may 274 pa ka ginpahayag natalana lawagon bilang giya sa publiko sa ila dapat pilion sa palaabuton nga election. (AGB)