Ousted CJ Ma. Lourdes Sereno, puwede maka-file sang motion for reconsideration matapos siya ginkakas sa puwesto suno sa Ilonggo nga abogado
Iloilo City — Pwede makafile sang motion for reconsideration si ousted Chief Justice Maria Lourdes Sereno matapos ginkakas ini sa posisyon paagi sa 8-6 nga boto sa special en banc session pabor sa quo warranto petition ni Solicitor General Jose Calida.
Apang dapat suno kay Atty. Eldrid Antiquiera nga bakantehon gid subong ni Sereno ang posisyon bangud immediately executory ang ruling.
Indi pa makahatag sang dugang nga komento si Antiquiera bangud wala pa nabasa ang malawig nga desisyon sang mga nagpabor sa quo warranto. Pero gin-athag ni Antiquiera nga nabutang sa laye nga pwede makafile sang quo warranto agud kwestyunon ang validity sang appointment sang nagatrabaho sa gobyerno.
Legal gid suno kay Antiquiera ang desisyon bangud Korte Suprema na ang nagpaguwa sini. (JoMaque)