SB Member Sa Barotac Viejo Nanginwala Sa Akusasyon Nga Naglibot Siya Sa Mga Brgy Agud Ikampanya Ang Iya Kandidato Sa Pagka Kapitan
Municipality of Barotac Viejo — Ginpanghiwala ni Barotac Viejo Sangguniang Bayan member Felsy Sabadisto ang akusasyon nga nagalibot siya sa tatlo ka barangay sa banwa agud ikampanya ang iya kandidato sa pagka-barangay kapitan.
Gin-ako niya nga nagkadtu siya sa Brgy. California sang Sabado apang nagbisita lang siya sa iya himata. Una na nga nagreklamo si Mayor Beng Tupas angut sa naguwa nga impormasyon apang wala sini ginpangalanan ang SB member.
Indi naman masigurado ni California Punong Barangay Kely Bañes kon nagapangampanya gid man sa ila barangay su Sabadisto matapos ini nga nakuhaan sang litrato sang Sabado.
Ginpabutyag naman ni Sabadisto nga wala man siya nagpanagtag sang kuwarta ukon nagapamakal sang boto para sa iya ginpahayag kandidato.
Magluwas sa Barangay California, ginpahayag nagapangampanya man si Sabadisto sa Barangay La Fortuna kag San Fernando.
(ATT)