Lalaki nga nadakpan sa buy bust operation sa Bakhaw, Mandurriao, nag-alegar nga planted ang mga items nga nakuha sa iya

Iloilo City–Dakup sa drug buy bust operation si Elrey Roberto, 40-anyos sang Sitio Kanipaan, Barangay Bakhaw, Mandurriao, kaina sang aga.

Suno sa Mandurriao police, nakuha kay Roberto ang anum ka sachets sang suspected shabu kag 600 pesos nga buy bust money. Ginpanginwala ni Roberto nga nagabaligya siya sang illegal drugs kag ginrason nga planted ang mga nakuha sa iya nga items.

Suno naman kay Chief Inspector Juvy Navales, hepe sang Mandurriao Police Station, naka-test buy sila antes ang buy bust operation. Gintudlo sini si Roberto nga newly-identified drug personality kag drug surrenderer man sa Barangay Bakhaw. (AGB)