January 18, 2022

Cong. Jerry Treñas, may banat sa mga tawo sa city hall nga ginpahayag naga-ipit sa mga nagasuporta sa iya

Read Time:1 Minute, 3 Second

Iloilo City–May dugang nga banat si Congressman Jerry Treñas angut sa ginpahayag pag-ipit sang mga taga-City Hall sa mga barangay officials, job hires kag iban pa nga identified nga nagasuporta sa iya.

Sa media interview kay Treñas pagkatapos sang mass oath-taking sang mga nagdaug nga barangay officials sa syudad, ginpahayag sang kongresista nga ginsakaan sang hangin sa ulo ang mga tawo sa City Hall nga naga-asta nga nagapanag-iya sila sang lugar. Pero wala man gin-identify ni Treñas kon sin-o ang iya ginapabati-batian.

Una na ginpahayag ni Cong. Treñas nga tatlo ka ‘P’ ang ginahimo ni Mayor Joe Espinosa III nga amo ang pagpanghukas, pangkuga kag pang-ipit sa mga empleyado nga nagasuporta sa iya.  Suno sa kongresista, nakabati siya sang istorya nga ginadumilian nga magsaka sa city hall ang mga identified sa iya.

Ginpahayag ni Treñas na nasubuan siya nga nadalahig sa pulitika ang mga job hires kag wala man lang ginakonsiderar nga may ginapakaon sila nga pamilya.

Sa pihak naman sang isyu, nagalaum gihapon si Treñas nga makaupod niya ang iya bilas nga si Mayor Espinosa sa 2019 elections. Nagapabilin suno sa kongresista nga bukas siya agud mangin kandidato sa pagka-congressman si Espinosa sa iya nga linyada. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 15 ka nagkumpanyar sa lubong, na-ospital matapos naglain ang pamatyag
Next post IPPO Director Tayaba: ‘Padayon nga nagakampanya kontra sa illegal nga druga ang police’