Transport group ICLAJODA, nag-petition nga himuon P9 ang regular fare sa PUJs

Iloilo City–Nag-file sang petition ang Iloilo City Loop Alliance of Jeepney Owners and Drivers Association (ICLAJODA) nga nagahingyo sang P2.50 nga probationary increase sa regular nga plete sa mga depasahero nga jeep.

Suno kay ICLAJODA President Raymundo “Boyet” Parcon, na-alimunaw ang ila una nga petition bisan pa may ginhiwat nga public hearing gani nag-file sila sang bag-o nga petition.

Ginpahayag ni Parcon nga naga-ayo man sila sa LTFRB Central Office nga hatagan sang otoridad ang LTFRB Regional Office 6 nga talupangdon ang ila petition bangud nagawangal na ang mga drivers sa padayon nga pagsaka sa presyo sang gatong.

Kun maaprobahan, plano sang ICLAJODA nga ipatuman ang probationary fare nga P9 sa mga regular nga pasahero antes ang pagbukas sang klase. (AGB)