Tatlo ka tuig nga bata, patay sang nalasakan sang SUV

Lapaz, Iloilo — Patay ang tatlo ka tuig nga bata nga nalasakan sang SUV sa Divinagracia, Lapaz Biernes sang gab-i, Mayo 18.

Gindala pa sa West Visayas State University Medical Center si alyas Tantan apang napatay bangud sang patal nga pilas sa lawas.

Sa pagpangusisa ni Police Officer Joey Lopez, ginamaneho ni Eleuterio Lazarte, 51 anyos sang San Pedro, Jaro, ang Toyota Fortuner nga nakadalasa sa bata. Suno sa driver, wala sini natalupangdan ang bata nga nagtabok sa dalan upod ang iya iloy. (JoMaque)