Apat ka balay kag isa ka building, nasunog sa City Proper
Iloilo City –Nasunog ang apat ka balay kag isa ka building sa Brgy. Liberation, City Proper kahapon sang aga.
Suno kay FO1 Marlene Beth Denaga, arson investigator sa Iloilo City Bureau of Fire Protection , naupos ang balay nanday Josie Jando kag Liberation Barangay Kagawad Ariel Bondiola.
Partially damaged naman ang mga balay nanday Liberation Punong Barangay Niel Parson kag Corazon Talha lakip ang Iloilo Fo Guang Yuan Building.
Nagapati ang BFP nga posible short circuit ang gintunaan sang sunog. Naglab-ot sa Php300, 000 ang kahalitan sang sunog suno sa BFP.
Napilasan kanday FO1 Mark Ian Animas kag SFO1 Rollin Hormina kasunod sang insidente. (JoMaque)