January 27, 2022

Presyo sang pad paper kag notebook, nagasaka suno sa DTI

Read Time:51 Second

Iloilo City — Nagsaka ang presyo sang pad paper kag notebook duha ka semana antes ang pagbukas sang klase sa Hunyo 4 sandig sa bag-o nga suggested retail prices (SRP) nga ginpaguwa sang Department of Trade and Industry Central Office.

Ini ang ginkumpirmar ni Maria Felisa Degala, Chief Consumer Welfare Protection Division sang DTI 6.

Suno kay Degala, magluwas nga mataas ang presyo sang raw materials, madamu man nga kompaniya ang nagpanirado bangud sa istrikto nga laye kontra polusyon kag sa pag-amlig sang dunang manggad sa pungsod.

Dugang pa dire ang pagtaas sang minimum wage sang mga empleyado kag pagnubo sang balor sang piso kontra dolyar.

Base sa SRP sang DTI, 3 pesos ang saka sa presyo sang notebook nga 80 leaves ukon P26.75 halin sa P23.75.

Nagsaka man sang 6 pesos ang presyo sang pad paper. Nahimo na subong nga P37.37 halin sa P31.75.

Wala naman sang pagbag-o sa presyo sang crayola samtang minimal naman ang saka sa presyo sang ballpen. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Presidential Electoral Tribunal, nagsugod na sa pag-retrieve sang mga ballot boxes sa Iloilo sang 2016 elections angut sa election protest ni former Sen. Bongbong Marcos
Next post 1 PATAY, 2 PILASON SA PAGKARUMPAG SANG COAL MINE SA SEMIRARA