Provincial Government sang Guimaras, nag-sorry angut sa ginreklamo wala sistema sa pagsakay sang mga pasahero sa Ortiz Wharf

Iloilo City — Nagsorry ang provincial goverment sang Guimaras paagi kay Vice Governor John Edward Gando kasunod sang mga reklamo nga wala sang sistema ang pagsakay sang mga pasahero sa Ortiz Wharf.

Nagadinaguso ang mga nagakadto sa Guimaras ilabe pa nga highlight sang Manggahan Festival subong nga adlaw. Suno kay Gando, nabatyagan sang mga Guimarasnon ang pagdugok sang mga turista sang nagsirado ang Boracay para sa rehabilitasyon gani naghingyo siya sang paghangup kon may mga kakulangan sila.

Magaserbe suno kay Gando nga panghangkat sa probinsya kon paano makadihon sang sistema agud maakomodar ang mga bisita kag taga-isla nga wala sang aberya. (JoMaque)