2 Patay Lakip ang Ginatudlo Drug Group Leader Kag 2 Man Ang Pilason Lakip Ang Opisyal Sang Pulis Sa Maduguon Nga Hot Pursuit Operation sa Bacolod City
Bacolod City, Negros Occidental – Patay ang drug group leader kag high value target drug personality sa hot pursuit operation sa Sitio Sebucao, Brgy. Banago kahapon sang hapon.
Ginkunfirma ni Senior Inspector Armelyn Vargas, spokesperson sang Negros Occidental Police Provincial Office nga napatay kanday Ramy Poja, leader sang Poja Drug Group, kag Roberto Bobby Lim, kasunod sang police operation.
Napilasan si Rusty Constantino nga himata ni Poja samtang nadakpan naman ang iya nobya nga si Claudine Bindol kag si Cyril Jarina.
Suno kay Vargas, una nga nag-engkwentro ang grupo ni Poja kag mga pulis sa Sitio Sebucao kahapon sang kaagahon matapos ginpa-arakan sang mga suspetsado ang mga pulis.
Napilasan sa wala nga paa ang station commander sang Police Station 3 nga si Senior Inspector Victor Paulino kasunod sang engkwentro.
Si Poja ang ginakabig number 1 most wanted person sang Police Station 3 sa Bacolod City.
Natalana nga ipaidalum sa autopsy ang bangkay nanday Poja kag Lim.
(ATT)