January 23, 2022

Barangay kapitan sa Sara, nagpaathag kon ngaa wala sang bayle sa ila kapiyestahan sang Mayo 22

Read Time:52 Second

Sara, Iloilo – Wala sang permit sa banwa ang sound system nga nag-service sa kapiestahan sang Barangay Padios, Sara.

Ini ang gintumod nga rason ni Punong Barangay Rafael Del Castillo nga ginpa-untat niya ang bayle sa ila kapiestahan sang Mayo 22. Suno kay Del Castillo, natukiban niya nga wala nahingagaw sang ila barangay secretary ang pagkuha sang permit para sa sound system gani ginpakamaayo niya nga pa-untaton ang tukar. Kapoy man suno sa kapitan ang mga barangay tanod nila.

Gin-athag sang barangay kapitan nga may misa sila sang aga kag ang wala lang nadayon amo ang sinadya pagkagab-i.

Sa reklamo nga nakalab-ut sa Aksyon Radyo, gin-akusaran si Del Castillo nga nagpanginit bangud napierde siya sa bag-o lang natapos nga Barangay elections.

Gin-confirm ni PSI Gilbert Baldevarona, hepe sang Sara MPS, nga may blotter report batuk sa pakaduha ni Kapitan Del Castillo nga nagpangsita sa isa ka pamilya nga nagplastar sang sound system sa ila compound agud makasinadya man sa nabilin nga inoras sang ila kapiestahan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Bangkay sang lalaki nga nalumos sa suba sa Dingle, nakit-an na
Next post Malapit tunga sa milyon ka pesos nga cash, nadula sa pag-ransack sang ISAT-U sa Dumangas