Bangkay sang lalaki, nasapwan nga nagabitay sa puno sang kahoy sa San Jose Antique

San Jose, Antique — Nasapwan nga nagabitay sa puno sang kahoy ang bangkay sang lalaki sa Barangay Funda-Dalipe, San Jose kahapon sang aga.

Sa incident report sang San Jose Police Station, yara sa advance state of decomposition ang bangkay sang wala pa nakilala nga lalaki.  Nagasoksok ini sang grey nga t-shirt nga may naka-imprinta nga US army, camouflage cargo shorts kag naka-sling bag.

Gindala sa funeral homes ang bangkay kag natalana ipaidalum sa post mortem examination kag identification. Imbestigaran man kon bala may foul play sa kamatayon sang lalaki. (JoMaque)