BRIGADA ESKWELA 2018, magasugod subong nga adlaw

Iloilo City — Maga-umpisa subong nga adlaw tubtub sa Hunyo 2 ang Brigada Eskwela, ang National Schools Maintenance Week sang Department of Education.

Suno kay Ms. Lea Belleza, Public Information Officer sang DepEd 6, katuyuan sang Brigada Eskwela ang pagtipon sang tanan nga education stakeholders agud magpartisipar kag maghatag sang ila panahon kag resources sa pagpreparar sa mga public school facilities para sa pagbukas sa Hunyo 4.

Una na ginhiwat ang regional kick-off sang Brigada Eskwela sag Mayo 25 sa Sipalay City, Negros Occidental.

Magluwas sa Brigada Eskuwela, ginpahayag ni Belleza nga nagahiwat man ang DepEd sang pila ka aktibidad bilang preparasyon sa pagbukas sang klase pareho sang early registration sang Pebrero, on-service training sang mga maestra kag hiring of teachers. Ginhingyo sini ang tanan nga stakeholders ilabe na ang mga estudyante kag ginikanan nga magpasakop sa isa ka semana nga Brigada Eskwela. (JoMaque)