Kontraktor Sang Ginreklamo Nga Yolanda Housing Project Sa Concepcion Nanindugan Nga Nabase Sa Specification Sang Programa Ang Ila Pag-obra

Province of Iloilo — Nanindugan ang kontraktor sa ginreklamo substandard nga Yoland housing projects sa Brgy. Bacjawan Sur, Concepcion nga nabase sa specification sang programa ang paghimo nila sang proyekto.

Ini ang sabat sang kontraktor sa proyekto nga Hercar Builders suno kay 1dt district board member Rene Valencia sang ginpatawag sa committee hearing sa Sangguniang Panlalawigan kahapon.

Dugang diri, may ginahimo man nga evaluation sa proyekto antes ihatag sa mga beneficiaries. Apang indi malikawan nga may deperensiya ang iban nga mga units suno kay Valencia base sa panaysayon sang natungdan bangud sa kadamuon sang gina-obra kag sa malip-ot nga tyempo sa pagconstruct.

Una na nagpasalig ang kontraktor sang proyekto nga kay-uhon nila ang mga nakita nga deperensya sa mga housing units.

Kun mapaslawan ang kontraktor nga tumanon ang ila pasalig nga kay-uhon ang ginreklamo nga mga housing units, dapat sila manabat suno kay Valencia.

(att)