Lima nadakpan lakip ang barangay kagawad sa Dumangas bangud sa bookies
Dumangas, Iloilo – Ginkonfirmar ni Iloilo Police Provincial Office director Marlon Tayaba nga lima ang nadakpan lakip ang elected barangay kagawad sa Dumangas angut sa pagmentinar sang bookies.
Suno kay Tayaba, nakuhaan ang mga nadakpan sang pataya, calculators kag iban pa sa police operation.
Wala ginhingadlan ni Tayaba ang mga nadakpan lakip ang barangay kagawad apang anay empleyado siya sang Eagle Crest Gaming and Holding Corporation, STL Operator sa Probinsya.
Sa syudad nagaremit sang pataya ang mga natungdan suno kay Tayaba.
Matandaan, ginterminate sang Philippine Charity Sweepstake Office ukon PCSO ang authority to operate sang ECGHC bangud sang isyu sa pinansyal sang damlag lang. (JoMaque)