January 27, 2022

Medical Technologist, nagdaug bilang SK federation president sa syudad

Read Time:55 Second

Iloilo City — Nagdaug ang medical technologist bilang Sangguniang Kabataan Federation president sa syudad.

Nakakuha si Leila Luntao sang Our Lady of Lourdes, Jaro sang 93 ka boto sa 175 tanan ka mga SK chair nga nagpasakop sa pinili-ay.

Napierde ni Luntao sanday Marie Antoinette Gallos sang Ingore, Lapaz nga may 75 ka boto kag Cliff Niel Omisol sang Bantud, Lapaz nga may 6 ka boto.

Napili-an naman si Joy Jonathan Pescadera Jr sang Lapuz Sur, Lapuz bilang SK Federation Vice President, Bea Gonzales sang Veterans Village, City Proper bilang Secretary; Shane Sayomac sang Taytay Zone II, Jaro bilang treasurer kag auditor si Carmeli Jubelag sang Bito-on, Jaro nga wala sang kasumpong sa posisyon.

Nakuha naman ni Jelma Cristel Implica sang Jereos, Lapaz ang posisyon nga public relations officer samtang sergeant at arms si Sherry Ann Villagracia sang Guzman Jesena, Mandurriao.

Nagpasalamat si Luntao sa tanan nga nagsuporta sa ila kag nagpasalig nga solbaron ang mga issue sa syudad ilabi ang natuhoy sa mga kabataan.

Nanindugan naman si Luntao nga wala sang pulitiko nga nagsuporta sa pagkampanya sang line up niya. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Presyo Sang Balaklon Ilabi Na Sa Sardias Nagmahal -DTI
Next post LOOK: MGA NAGDAUG SA SK FEDERATION ELECTION SA PROBINSYA