Linibo ka trabaho, bukas para sa mga nagapangita sang trabaho sa Job Expo sa Provincial Capitol buwas

Iloilo City–Linibo ka job vacancies kag job orders para sa local kag overseas employment ang nagahulat sa mga job seekers sa Job Expo sang Iloilo Provincial Government buwas, Hunyo 1.

Suno kay Mr. Francisco Heller, head sang Public Employment Service Office, 159 ka mga kompaniya ang kumpirmado nga mapasakup sa Job Expo nga ginabug-usan sang 129 para sa local employment kag 30 para sa overseas employment ukon 37 mil 759 ka trabaho.

May gin-organize nga Libre Sakay ang provincial government sa bulig sang mga local chief executives sang 16 ka banwa agud mag-transport sang mga job seekers pakadtu sa kapitolyo. Ginabug-usan ini sang Alimodian, Anilao, Barotac Viejo, Barotac Nuevo, Cabatuan, Concepcion, Igbaras, Janiuay, Lambunao, Leon, Maasin, Miagao, San Miguel, Sta. Barbara, Tubungan kag Zarraga.

Ang Job Expo, hiwaton sa Provincial Capitol Lobby, 2nd floor sang Capitol kag sa Casa Real de Iloilo. (AGB)