(UPDATE) Transport group ICLAJODA, plano mag-untat biyahe sa pagbukas sang klase sa Lunes suno sa ila presidente

Iloilo City–Posible mag-untat byahe ang Iloilo City Loop Alliance of Jeepney Owners and Drivers Association ukon ICLAJODA kadungan sa pagbukas sang klase sa pampubliko nga mga eskwelahan sa Lunes, Hunyo 4.

Suno kay ICLAJODA Presidente Raymundo “Boyet” Parcon, mapierde ang mga drivers kun magbyahe bangud sang tuman ka pogok sang trapiko kasunod sang ginakay-o nga mga karsada.

Kun magpabor ang mayorya nga mga miembro sang ICLAJODA sa ila sinapol buwas suno kay Parcon, madayon gid sa Lunes ang isa ka adlaw nila nga untat byahe.

Una na ginpabutyag ni Parcon nga nagadugang sa problema sang transport sector sa syudad ang wala pa natapos nga mga ginakay-o nga dalanon. (AGB)