January 27, 2022

Pulis, ginreklamo sang anay trisikad driver sa Oton sang pagpamahug

Read Time:1 Minute, 30 Second

Oton, Iloilo–Nagdangup sa Aksyon Radyo Iloilo ang anay trisikad driver sa Poblacion West, Oton, bangud sang ginpahayag pagpamahog sa iya kag sa iya pamilya.

Suno kay Normando Estrebor, nagsugod ang masami nga pagpahog sa iya ni Police Officer Marvin Siasol sang 2015 sang nagreklamo siya bangud sa magahod nga mini-sound sa balay sang police nga daw kasubong nga piesta adlaw-adlaw sa barangay. Kudal lang ang ulot sa balay sang police kag ni Estrebor.

Sugod sadto, masami na siya ginapahog nga patyon, habuyan sang granada kag tamnan sang shabu.

Bangud sini, napilitan si Estrebor nga mag-untat sa pagbiyahe sang trisikad sa kahadlok nga tuud-tuoron ni Siasol ang pamahog sa iya.

Makapila ka beses naman nga nagpabalik-balik sa police station si Estrebor agud ireklamo ang ginahimo sa iya sang pulis.

Nagreklamo naman ini sa National Police Commission 6 sang 2016 sang grave misconduct batok sa pulis. Ini ang ginalantaw rason ni Estrebor sa pagdumot pa gid sa iya sang police.

Samtang pending ang kaso sa Napolcom, liwat nagreklamo batok sa pulis si Estrebor bangud sang pinaka-ulihi nga mga insidente.

Sang Mayo 28 subong nga tuig, ginpahayag ni Estrebor nga ginbantayan siya sang amay sang police nga si Mauro Siasol kag wala sang rason nga ginpitkan sang pusil sang tatlo ka beses pero wala naglupok. Pagkagab-i sang amo man nga petsa, nagpalupok man sang pusil ang pulis suno kay Estrebor, lapit gid sa iya kudal kag ginhaboy pa gid sang bato ang iya balay.

Desidido si Estrebor nga dayunon ang kaso batok sa pulis.

Si Estrebor ang parolado matapos napreso sa kaso nga homicide. Suno sa iya, 10 ka tuig siya nga napreso kag nagatinguha nga magbag-o.

Ginatinguhaan sang Aksyon Radyo nga makuhaan sang bahin ang ginareklamo nga pulis lakip na ang iya amay. (AGB)

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Barangay kapitan sa Mandurriao, ginreklamo nga nanglampos sang bottled water sa menor-de-edad; kapitan, nanginwala sa akusasyon
Next post PSTMO, ma-implementar sang zipper lane sa mga pribado nga salakyan agud maghagan-hagan ang pagpugok sang trapiko sa pagbukas sang klase