Pila ka school buildings, wala natapos kadungan sa pagbukas sang klase subong nga adlaw

Iloilo City–Wala sang aberya ang pagbukas sang pampubliko nga mga eskwelahan sa elementary kag high school subong nga adlaw.

Halos 100% ang attendance sang mga estudyante nga nagbalik eskwela kag wala man sang ginreport nga nastranded sa mga transport terminals.

May mga eskwelahan naman nga kulang ang classrooms bangud ginatapos pa ang bag-o nga buildings pareho sa Jaro National High School.

Suno kay Corazon Juele nga acting principal sang Jaro NHS, naghulam sila sang classrooms sa Jaro 1 Elementary School kag Jaro 2 Elementary School kag gamiton man ang gym kag ibabaw sang stage samtang wala pa nahuman ang bag-o nga mga hulot klasehan. (AGB)