MIWD Nagwangal Sa Pahayag Sang Mga Contractors Nga Ila Tubo Ang Isa Sa Mga Rason Sa Delay Nga Pag-Obra Sang Mga Road Projects

Iloilo City — Indi dapat pagbasulon sang mga contractors sang road projects sa syudad ang Metro Iloilo Water District.

Sabat ini ni Atty. Roy Villa, MIWD legal officer, sa pahayag sang pila ka contractors nga isa sa mga rason sang pagkadelay sang ila obra ang mga tubo sang water district. Suno kay Villa, madugay na ang ila mga linya kag wala man sila naglaum nga malab-ut ang ila mga tubo bangud sang mga sa pagpalapad sang karsada.

Unfair suno kay Villa nga basulon ang MIWD sa delay nga trabaho. Dapat kuntani suno sa abogado nga imbes basulon sila, pungkuan na lang upod sa mga contractors ang problema kag pangitaan sang solusyon.

Sang mierkules, pito ka contractors sang mga delay nga road projects sa syudad ang ginsapol ni DPWH Iloilo City District Engineering Office agud magpa-athag sa publiko.

Pila sa ila ang nagbasol sa mga tubo sang MIWD, poste sang PECO kag illegal parking nga rason sang mahinay nga trabaho.

(ATT)