Pulis assign sa Iloilo City Mobile Force Company, nag-ako nga siya ang nakuhaan sang litrato sa sulod sang bulangan sa Lapuz

Iloilo City–Nag-ako ang pulis nga assign sa Iloilo City Mobile Force Company nga isa siya sa apat ka pulis sa rehiyon nga ginpatawag kahapon sa Kampo Delgado ni Police Regional Office 6 Director Chief Supt. John Bulalacao agud magpa-athag matapos nga ginpahayag nakuhaan sang litrato sa sulod sang bulangan.

Suno kay PO1 Wilmar Sompio, 2016 sang nagkadto siya sa Rockwell Cockpit Arena sa Lapuz bangud may ginasundan nga subjects para sa entrapment operation. Assigned pa sadtu si Sompio sa Anti-Carnapping Unit.

Nagapati si Sompio nga napulitika siya bangud incumbent barangay official ang iya iloy.

Halos kada tuig suno kay PO1 Sompio, nagalapta ang amo nga litrato kag pinakaulihi nga naguwa antes ang Barangay kag SK elections sang nagligad nga bulan.

Magluwas kay Sompio, ginpatawag man ni PCSUPT Bulalacao ang SPO1 halin sa Negros Occidental Police Provincial Office, PO3 nga assigne sa Regional Headquarters Support Group kag PO1 nga assign sa Sapian Police Station sa Capiz. (AGB)