January 23, 2022

Tatlo ka manghud sa Negros Occidental, ginreport nga ginpatay sang ila magulang; suspek, ginpahayag may deperensya sa paminsaron

Read Time:49 Second

Negros Occidental — Patay ang tatlo ka menor-de-edad nga gingutlan sang liog kag gintudlo nga suspek ang ila man lang magulang sa Barangay Marcelo, Calatrava, Negros Occidental pasado alas-12 kahapon sang hapon, Hunyo 9.

Ginkilala ang mga napatay kanday Gregor, isa ka tuig; Alejandro, lima ka tuig kag Jhorenz, 14 anyos. Nakaluwas naman si Jenny Rose, siyam ka tuig.  Nagpalagyo ang suspek sa krimen nga magulang man lang sang mga biktima nga si Junmark Melibo, 21 anyos kag ginpahayag nga may deperensya sa paminsaron.

Sa interview sang Aksyon Radyo Bacolod kay Punong Barangay Jeremias Diotay, wala sa ila balay ang amay nga si Morito Melibo, 50 anyos, bangud nagpananum sa uma. Nagatrabaho naman sa Manila ang iya asawa nga mapauli subong nga adlaw matapos ginpahibalo sa natabu sa iya kabataan.

Base sa report sang Calatrava Police Station, ginpahayag naakig ang magulang bangud wala nagpreparar ang iya mga utod sang pagkaun sang nag-abot ini halin sa pag-obra sa bukid. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PSTMO, madeploy sang clearing team nga manghawan sang obstruction sa dalanon malapit sa eskuwelahan
Next post Duha ka panadero sa Lapaz, gin-aresto matapos nga nag-iskandalo