CDRRMC, preparado sa pagresponder sa mga barangay nga mabahaan sa tingulan

Iloilo City–Preparado ang City Disaster and Risk Reduction Management Council sa pagresponder sa mga apektado nga barangay nga posible mabahaan sa pagsugod sang tingulan.

Suno kay CDRRMC Operations Officer Darwin Papa, lakip sa preparasyon ang pagtukod sang Barangay Disaster and Risk Reduction Management Council, pagtumod sang evacuation centers kag relief operations.

Gina-monitor man sang CDRRMC ang apat ka flood-prone barangays sa syudad nga amu ang Buntatala kag Calubihan sa Jaro kag Navais kag Sooc sa Mandurriao.

May posibilidad suno kay Papa nga madugangan pa ang numero bangud sang problema sa drainage system sang syudad. (AGB)