(UPDATE) DPWH regional office 6, nagdepensa nga may pulos ang notice of termination sa mga contractors bisan nagapadayon ang pag-obra sang mga proyekto

Iloilo City–May pulos sa gihapon ang notice of termination sang DPWH sa duha ka contractors nga delay ang pag-obra sang proyekto bisan pa nga pwede makapadayon sa kontrata ang mga contractors samtang may appeal.

Suno kay DPWH regional director Wenceslao Leaño, kon makapasa na sang appeal ang contractors sa sulod sang pito ka adlaw, mahimo sila sang termination order nga final and executory.

Wala pa man nabaton ni Leaño ang notice of termination para sa iya approval. Suno kay Engr. Rodney Gustilo, head sang DPWH Iloilo City District Engineering Office, may draft na siya sang order para termination. (AGB)