‘Diser, ginreklamo nga nagkumos sa dughan sang 13-anyos nga bata nga babaye
Lapaz, Iloilo City – Wala napunggan sang mga bystanders nga napatup-an ang 26 anyos nga ‘diser matapos ginreklamo nga nagkumos sa dughan sang 13 anyos nga bata nga babaye nga tupad sini sa jeep nga Lapaz.
Suno sa tiya sang 13 anyos, nagdumdom pa siya nga ginkawatan ang iya hinablos bangud gulpi nga nagpanaug sa jeep ang lalaki gani nagsinggit ang mga pasahero nga ‘makawat.’ Natabuan nga may mga bystanders sa kilid sang dalan gani nadakpan si alyas Ren, may asawa.
Sa interview sang Aksyon Radyo, ginpahayag ni Ren nga nagulpihan lang siya. Indi magpanugid si Ren kon diin siya nagatrabaho bilang ‘diser.
Preso ang suspek sa Lapaz Police Station samtang desidido ang pamilya sang 13 anyos nga pasakaan ini sang kaso. (JoMaque)