Transport group ICLAJODA, pabor nga himuon mandatory ang drug testing sa mga drivers sang depasahero nga salakyan

Iloilo City–Pabor ang Iloilo City Loop Alliance of Jeepney Owners and Drivers Association ukon ICLAJODA sa proposal ni Presidente Rodrigo Duterte nga himuon nga mandatory ang drug testing sa mga drivers sa mga depasahero nga salakyan.

Suno kay ICLAJODA President Raymundo ‘Boyet’ Parcon, antes pa man ang proposal sang presidente, may joint memorandum circular na ang transport groups sa syudad upod sa LTFRB, Land Transportation Office kag Philippine National Police para sa random drug testing sang mga drivers.

Gina-require suno sa iya ang mga jeepney kag taxi drivers nga magpa-drug test antes mag-renew sang ila lisensya.

‘Bangag’

Gin-ako ni Parcon nga may mga drivers sang una nga nagagamit sang illegal drugs ilabe pa ang mga nagabiyahe kon gab-i agud nga indi pagtuyhon. May mga nadakpan man sa checkpoint nga nakuhaan sang shabu sa ila salakyan sang madata pa sang una ang illegal drugs.

Kon mapatuman suno kay Parcon ang proposal sang presidente, mangin pabor man ini sa tanan nga pasahero. (AGB)