Paghimo sang database sang mga equipment sang contractors sa kada proyekto, isuhestyun sang DPWH kay Secretary Mark Villar

Iloilo City–Isuhestyun ni Engineer Rodney Gustilo, head sang DPWH Iloilo City District Engineering Office, kay Secretary Mark Villar ang paghimo sang database para sa mga equipment nga ginagamit sang contractor sa kada proyekto.

Katuyuan sini suno kay Gustilo nga mahibaluan sang ICDEO kon diin nga proyekto ginagamit ang isa ka equipment agud nga malikawan ang delayed nga pag-obra.

Namonitor ni Gustilo nga ginasaylo-saylo ang equipment nga nakomiter na sa isa ka proyekto sa district engineering office gani indi nila makita sa tion nga maghimo sang cross evaluation.

Paagi sa database, iga-encode ang equipment agud mahibaluan kag matumod kon diin nga road project ginagamit. (AGB)