Mas Madamo Nga Mga Salakyan Nga Nagalabay Subong Sa Mga Karsada Gintudlo Rason Ni City District Engr. Rodney Gustilo Kun Nga-a 5 Tubtob 10 Ka Tuig Na Lang Ang Lifespan Sang Gina-Obra Nga Karsada

Iloilo City — Madamo na subong nga mga salakyan nga nagalabay sa karsada ipaanggid sang una.

Ini ang reaksyon ni City District Engineer Rodney Gustilo sa mga nagapa-anggid sa kadugayon sang life span sang mga karsada sa subong kag sang una.

Dugang ni Gustilo, may mga dalagko naman nga mga salakyan nga nagalabay sa karsada.

May required strength ang kada karsada base sa standard specification for roads and bridges sang Department of Public Works and Highways ukon DPWH suno kay Gustilo kag ginasunod lang nila ini.

Gin-athag man sang opisyal nga masobra sa 10 ka tuig antes nila kay-uhon ang mga karsada sa syudad.

Una na ginpahayag ni Gustilo nga lima tubtob 10 ka tuig lang ang lifespan sang mga karsada.

(att)