December 1, 2021

Presidente Rodrigo Duterte, nag-abot sa Iloilo

Read Time:56 Second

Nag-abot si Presidente Rodrigo Duterte para sa ceremonial distribution sang Certificates of Land Ownership Award sa mga benepisaryo sang Department of Agrarian Reform sa Western Visayas nga ginhiwat sa Cabatuan kaina sang hapon.

Alas-4:50 sang hapon, naghugpa sa Iloilo International Airport ang eroplano nga ginsakyan ni Presidente Duterte kaupod si Special Assistant to the President Christopher ‘Bong’ Go. Halin sa airport, nagsakay sa chopper ang presidente pakadto sa Cabatuan gym para sa una nga event nga iya gintambungan.

Gin-abi-abi ini nanday DAR Secretary John Castriciones kag Governor Arthur Defensor. Upod man sa reception party sanday 3rd District Congressman Toto Defensor kag Cabatuan Mayor Ronilo Caspe.

3, 772 ka CLOAs ang ginhatag sa 2, 314 ka Agrarian Reform Beneficiaries para sa masobra duha ka libo ka ektarya nga duta sa Western Visayas.

Pagkatapos sang event sa Cabatuan, nagdiretso ang presidente sa Iloilo Convention Center kag naghatag sang speech sa national convention sang Philippine Councilors League.

Katapusan nga event nga kadtuan ni Duterte ang inagurasyon sang Vista Mall sa Barangay Pulo Maestra Vita sa Oton nga ginapanag-iyahan sang pamilya ni Senator Cynthia Villar. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Saka sa pletehan sang pumpboats nga may byahe Jordan Guimaras-Iloilo City, gin-aprobahan na sang MARINA
Next post Mga delayed road projects sa syudad kag reklamo sang mga konsumidor sang PECO sa overbilling kag erroneous billing, nakalab-ot na kay SAP Bong Go