Mga delayed road projects sa syudad kag reklamo sang mga konsumidor sang PECO sa overbilling kag erroneous billing, nakalab-ot na kay SAP Bong Go

Iloilo City — Nakalab-ut kay Special Assistant to the President Christopher Bong Go ang mga isyu sa syudad sa delay nga road projects kag reklamo sang mga konsumedor nga alleged overbilling sang Panay Electric Company.

Kasunod ini sang inagurasyon sang Malasakit Center, ang one-stop shop sang mga pasyente sa Western Visayas Medical Center nga nagakinahanglan sang medical kag financial assistance. Dinapit nga bisita sa event si Go kag napamangkot ini sang Aksyon Radyo tuhoy sa mahimo sang Malacañang sa mga problema sa syudad.

Nagpasalig si Go nga tun-an ang isyu kag solusyunan kon nakataya ang interest sang publiko. (JoMaque)