December 1, 2021

Publiko, ginpanugyanan sang Department of Health 6 nga indi maglusong sa tubig bangud sang pagsaka sang kaso sang leptospirosis sa rehiyon

Read Time:1 Minute, 1 Second

DOH 6 office, Iloilo City–Ginpanugynanan sang Department of Health Regional Office 6 ang publiko nga indi maglusong sa baha.

Kasunod ini sang pagtaas sang kaso sang leptospirosos sa Western Visayas. Maka-alarma suno sa DOH 6 ang kaso sang leptospirosis sa rehiyon sa sulod ang anum ka bulan subong nga tuig nga naglab-ut sa 232, tuman ka taas ipaanggid sa 87 nga narecord sa kapareho nga period sang nagligad nga tuig.

Suno kay Dr. Al Ramirez sang Environmental and Occupational Health sang DOH 6, may pinakadamo nga kaso sa rehiyon ang Negros Occidental nga may 83, ginsundan sang Iloilo province nga may 58, capiz nga may 33, Guimaras nga may 27, Bacolod City kag Iloilo City nga may tag-13, tatlo halin sa Aklan kag isa halin sa Antique.

27 naman ang napatay subong nga tuig—walo halin sa Capiz, pito sa Negros Occidental, anum sa Iloilo province kag tag-isa sa Iloilo City, Aklan kag Bacolod City.

Ang leptospirosis nagahalin sa ihi sang ilaga kag delikado sa mga tawo nga may pilas kon maglusong sa baha. Hilanat, sakit sang ulo kag pagpanalakit sang luku-lukoan ang mga sintomas sang balatian kag may kumplikasyon sa kidney failure kon indi gilayon mabulong. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga involved sa illegal drugs, dapat kulbaan sa asud-asod nga police operations sa mga ginpahayag narco politicians suno kay Councilor Plaridel Nava
Next post (UPDATE) Negosyante nga suspek sa pagtiro sa magpamilya sa Lapaz, posible may suya sa kagrupo sang isa sa mga bata; pamilya, mapasaka sang kaso nga murder kag frustrated murder