November 28, 2021

(UPDATE) Negosyante nga suspek sa pagtiro sa magpamilya sa Lapaz, posible may suya sa kagrupo sang isa sa mga bata; pamilya, mapasaka sang kaso nga murder kag frustrated murder

Read Time:53 Second

Iloilo City–Posible may suya ang 47-anyos nga negosyante nga suspetsado nga nagtiro sa pamilya Jalandoni sa Brgy. Magsaysay, Lapaz kagab-i nga ginkapatay sang 15 anyos nga bata nga lalaki.

Suno kay Senior Insepctor Val Ladublan sang Lapaz Police Station, ginsaysay ni alyas Bam, kaupod sa pag-inom-inom sang suspek nga si Teopisto Sebanta alyas Totong, nga magahod kun maglabay sa ila lugar ang mga kagrupo ni Jedidiah Jalandoni, 18-anyos, nga magulang sang napatay. Suno pa kay alyas Bam, ang kagrupo ni Jedidiah ang ginapasibanggan ni Sebanta nga nagkuha sang iya sling bag nga may kwarta sang Miyerkules.

Napatay si Jezreel nga manghod ni Jedidiah bangud sang igo sa ilong, tuo nga dulunggan, liog kag guya. Padayon nga ginabulong sa ospital ang ila iloy nga si Marites nga may pilas sa dughan, tuo nga siko, tuo nga butkon kag wala nga kamot.

Napilasan man sa dughan si Jedidiah apang nakaguwa na sa ospital.

Nagpalagyo ang suspetsado kasunod sang natabu. Kaso nga murder kag frustrated murder ang ipasaka sang pamilya sa suspek. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Publiko, ginpanugyanan sang Department of Health 6 nga indi maglusong sa tubig bangud sang pagsaka sang kaso sang leptospirosis sa rehiyon
Next post 22 anyos nga lalaki sa Oton, nagreklamo nga gintayaan sang pusil, ginpreso kag ginpasibangdan nga nagpangawat sa pulis