Voter’s Registration sang Comelec, magapadayon subong nga adlaw
Iloilo City — Ginpahanumdom sang Commission on Elections ukon COMELEC sa mga wala pa nakaparehistro para sa natalana mid-term elections sa 2019 ang pagpadayon sang voter’s registration subong nga adlaw.
Suno kay COMELEC VI Assistant Regional Director Tomas Valera, limitado lang ang numero sang mga botante nga ma-akomodar sang ila mga computers kada adlaw.
Mahimo makaparehistro ang tanan nga 18-anyos kag pasaka sugod bwas tubtob sa Setyembre 29 subong nga tuig.
Dugang diri, makaparehistro man ang mga maga-edad 18-anyos sugod sa adlaw sang eleksyon sa Mayo 13, 2019.
Magdala lang sang birth certificate ukon valid ID suno kay Valera. Bukas ang opisina sang COMELEC halin 8:00 AM. tubtob 5:00 P.M. halin Lunes tubtob Sabado lakip sa mga holidays. (JoMaque)