November 29, 2021

(UPDATE) Guwardya nga gintiro patay sa Molo, posible gin-ila suno sa police

Read Time:51 Second

Iloilo City–Gin-ila agud patyon ang security guard nga gintiro sa Calumpang, Molo kagab-i.

Isa ini sa mga ginasunod nga anggulo sang Molo police sa pagtiro patay kay security guard Jeovy Puzon, 33 anyos sang Baje, Leon apang naga-board sa Tanza Baybay, City Proper.

Suno kay SPO2 Jonathan Tolentino, imbestigador sang Molo Police Station, nakita nila sa cellphone sang biktima ang text messages nga nagahagad sa guwardya nga mag-apas sa Aida’s Lechon sa Calumpang agud maka-updanay sila. Nabutang man sa text message nga nahidlaw na ang nagapadala sini sa biktima.

Base sa imbestigasyon sang police, naglisensya si Puzon sa iya gina-obrahan sa Robinson’s Place sa City Proper nga kadtuan lang ang iya asawa gani wala nakaduty. Naghapit pa ini sa iya boarding house kag namangkot sa iya utod nga lalaki kon diin ang Aida’s Lechon mga alas-10:50 sang gab-i.

Sang nagdulog ang guwardya, ginpalapitan ini sang suspek kag gintiro. Gindala pa si Puzon sa ospital apang napatay. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) Special Investigation team, gintukod na agud imbestigaran ang pagpatay kay Bakhaw, Mandurriao Punong Barangay Remia Prevendido-Gregori
Next post 2 ka drug suspects nga nadakpan sa operasyon, nagbuyagyag nga preso sa BJMP Ungka ang ila ka-transaksyon sa illegal drug trade