15-anyos nga solterito nga gintiro-patay samtang nagasakay sa ila Sportivo upod ang pamilya, ginlubong na
Lapaz, Iloilo City – Ginlubong na ang 15-anyos nga solterito nga gintiro-patay sang gintiro ang iya pamilya sakay sa ila sportivo sa Laguda Extension, Barangay Magsaysay Village, Lapaz.
Napatay sa ospital si Jezreel samtang ginabulong sa ospital bangud sa multiple gunshot wouds sa iya ulo santo sa autopsy result.
Nagasinggitan sang hustisya ang mga nagbuylog sa lubong sang solterito pinaagi sa pagsuksok sang puti nga tshirt nga may nakasulat nga “JUSTICE FOR JEZREEL”.
Madumduman nga napilasan ang iloy nga si Marites kag magulang nga si Jedidiah, 18-anyos.
Wala pa madakpan si Teopesto Sebanta, ang ginatudlo suspek nga nagpaarak luthang sa pamilya. (JoMaque)